Erteń Avstrııanyń Zefeld-ın-Tırol qalasynda shańǵydan álem chempıonaty bastalady.
3 naýryzǵa deıin sozylatyn jarysta osy sport túrin serik etken jer shahandaǵy myqtylardyń barlyǵy 21 júlde jıyntyǵyn sarapqa salady. Olardyń qatarynda Olımpııa oıyndary men dúnıejúzilik deńgeıdegi dodalarda daralanǵan sańlaqtar da bar. Tarqatyp aıtsaq, baıraqty básekeler barysynda shańǵy jarysynan –12, tramplınnen sekirýden – 5 jáne shańǵy qossaıysynan – 4 júlde jıyntyǵy taratylady.
Avstrııadaǵy álem chempıonatynda bizder shańǵyshylarǵa zor úmit artamyz. Osy jarysta Qazaqstan quramasy sapynda erler arasynda Alekseı Poltoranın, Nıkolaı Chebotko, Vıtalıı Pýhkalo, Evgenıı Velıchko, Oljas Klımın, Dáýlet Raqymbaev jáne Denıs Volotka ónern kórsetse, áıelder saıysynda Anna Shevchenko, Valerııa Tıýleneva, Irına Bykova, Elmıra Mýtaǵarova jáne Marına Matrosova baq synaıdy.
Ǵalym SÚLEIMEN,
«Egemen Qazaqstan»